Jeenaa Hai To Garaje Jag Men Hindu Ham Sab Ek
Ulajhe Sulajhe Prashnon Kaa Hai Uttar Keval Ek
Keshav Ke Chintan Darshan Ne Sanghatanaa Kaa Mantra Sikhaayaa
Aajeevan Aviraam Saadhanaa Til Til Kar Sarvasva Chadhaayaa
Ek Deep Se Jalaa Doosaraa Jalate Deep Anek .... Ulajhe
Bhageerath Ke Tyaag Tapon Se Aaee Bhoo Par Gangaa Dhaaraa
Sangh Roop Men Bahee Jaahnavee Maadhav Ne Hai Satat Samvaaraa
Hue Yaheen Par Vikasit Kitane Tat Par Teerth Anek .... Ulajhe
Madhukar Kee Do Took Garjanaa Hindu Shakti Lalakaar Khadee Hai
Giri Jangal Men Graam Nagar Men Daavaanal See Bhadak Rahee Hai
Jaag Rahaa Hai Aaj Desh Kaa Vistrut Supt Vivek .... Ulajhe
Bhaashaa Bhooshaa Mat Vaadon Kee Bahurangee Yaha Paramparaa
Sarva Dharma Sam Bhaav Sikhaatee Rishi Muniyon Kee Dev Dharaa
Indra Dhanush Kee Chhataa Srot Men Shubhra Rang Hai Ek .... Ulajhe
Sneh Samarpan Tyaag Hriday Men Sabhee Dishaa Men Laayenge
Samataa Kee Nav Jeevan Rachanaa Ham Sab Ko Apanaayenge
Aaj Samay Kee Yahee Chunautee Bhoolen Bhed Anek .... Ulajhe
Post new comment