Geet Ganga

भगवा झेंडा प्राण माझा प्राण भगवा झेंडा प्राण
जिंदगीची आण माझ्या जिंदगीची आण॥धृ॥

डुलते कशी पहा रायाची स्वारी
खुशीत आला राया डुलतोय भारी
मोतियांचि खाण माझी मोतियांचि खाण ॥१॥

याच्याच छायेखाली हिंन्दुमर्दांनी
गनिम पिटाळिलं पाजुन पाणी
माझ्या अंगी त्राण त्येच माझ्या अंगी त्राण॥२॥

अन्यायाची आता येई शिसारी
घेऊन हातामधी नंग्या समशेरी
करु दाणादाण सारी करु दाणादाण॥३॥

साऱ्या गावामधी वेशीवेशीला
प्रांता प्रांताला अन् साऱ्या देशाला
मांडुन बसला ठाण आता मांडुन बसला ठाण॥४॥

ग्यानबा तुकाराम विठु रखुमाई
याच्यात दिसती मला काशी गंगामाई
गेलं हरपुन भान माझं गेलं हरपुन भान ॥५॥